Aurkezpena.

ONDARE Mutrikun, Gipuzkoako kostaldean, 2013an sortu zen enpresa da eta bertan kalitatezko artisau mermelada eta barazki kontserbak egiten ditugu. ONDARE sortzearen arrazoi nagusia, inguruko baserritarrek izaten duten fruta eta barazkien aprobetxamendua izan zen, kontserba jasangarrien bidez bertakoa eta sasoikoa bultzatuz.

 

Era berean, ONDARE enpresa sortzearen nahia gure ikasketek, ibilbide profesionalek eta amonaren errezetek eman zigun, bi ekintzaileok elikagaien inguruko ikasketa, lan esperientzia eta sukaldaritzarako afizioa baitugu. Hau horrela izanik, argi genuen, inguruko baserritarrek sortutako lehengaiei balio erantsia eman eta kalitatezko mermelada eta barazki kontserba naturalak merkaturatu behar genituela.

 

Gaur egungo gizartearen kontsumo habituak kontuan izanda, ONDAREren helburua hauen beharretara egokitutako eskaintza luzatzea da; elikagai kalitatezko, osasungarri, goxo, natural eta jasangarriak.

 

ON EGIN!